Hjemmelaget yoghurt

Yoghurt

Denne oppskriften har vi fått av Marlin Nakken Kjelsvik frå gardskollektivet Sellanrå ved Hardangerfjorden, les gjerne kronikken hennes Å vera ein kulturberar på mikroskopisk nivå om norsk melkeforedling og forsvinnende kultur.

Ei god byrjing om ein vil prøva seg på heimelaga meieriprodukt er å lage yoghurt. Me vil gjerne dele med dykk korleis me lagar yoghurt her på Sellanrå. Dette syrlege meieriproduktet er ikkje berre veldig godt og anvendeleg, men det er også sjukt lett å lage. Det er heller ingen problem å lage mykje på ein gong, då den held seg i vekesvis om den står kaldt.

DETTE TRENG DU:

Det fyrste du må gjera er å skaffe deg mjølk. Det beste er å kjøpe mjølka direkte frå ein bonde, sidan den skal vere so fersk som mogleg når du lagar yoghurt. Vidare treng du startkultur, det vil seie restane av ein vanleg økologisk yoghurt, ein stor kjele, litermål, visp, termometer (kjekt å ha, men ikkje naudsynt) og glas med skrulokk eller patentlokk.

Den vanlegaste metoden å lage yoghurt på er pasteurisere mjølka fyrst, men det er òg mogleg å berre varme den opp til 48 grader for å behalde so mange næringsstoff som mogleg. Me har gjort begge deler.

Steriliser så mange glas du treng, slik at du har dei klare når du treng dei.

Varm opp mjølka til 48 grader om du ønskjer upasteurisert yoghurt, eller til 82 grader om du vil pasteurisere den.

Når mjølka har nådd temperaturen sett du den kjølig til den har komme ned til 42 grader.

Mellom 38 og 42 grader er perfekt temperatur for at yoghurtkulturen skal trivast. No kan du vispe inn startkulturen, 3 ss økologisk yoghurt per liter mjølk. Visp slik at kulturen fordeler seg godt i all mjølka.

No heller du mjølka over på glas, og skrur att lokket.

Sett glasa inn i steikeomnen på 40-48 grader. Det vil som regel seie at du må setje omnen på det lågaste stillet, kanskje må du òg setje ei sleiv i døropninga så det ikkje vert for varmt. Her skal glasa stå i alt frå 6 til 12 timar før yoghurten er ferdig. Til lengre den står i varmen, til surare vert den. Eg brukar berre å la den stå over natta.

Oppbevar den kjølig for lengst mogleg haldbarheit.

Du har no laga din eigen yoghurt, du har dimed skapt kultur!

Konsistensen blir litt ulik på den upasteuriserte i forhold til den pasteuriserte yoghurten. Me opplever at den pasteuriserte får ein litt fastare tekstur, men begge er like gode på smak.

Flere oppskrifter